روايه حصري

إهدى يا مريم أنتى فين دلوقتى 
مريم أنا ....... 
كارما انا ربع ساعه وها أكون عندك اوعى تروحى فى حته 
مريم ها أستناكى اوعى تسبينى أنتى كمان 
كارما وقلبها ېتمزق على حال رفيقتها ... عمرى ما ها أسيبك 
فضل حسن وقت كبير فى صراع مع نفسه وضميره.... ازاى عملت فيها كدا وكسرت فرحتها ..... ايه ذنبها ..... ايه يعنى تخينه شويه ممكن تخس زى ما انت عايز .... البنت سابت أهلها وبعدت عنهم وو ثقو فى أهلك واستأمنوهم على بنتهم ... وانت خنت الثقه دى دلوقتى ....

خرج من الاوضه يدور عليها فى الشقه .... بس أختفت تماما .... نزل جرى يدور عليها بس بعد ايه ....
كارما تعالى يا حبيبتى مفيش غير ماما 
داليا أتفضلى يا مريم وخدتها فى بعد ما شافت حالتها بس يا مريم إهدى انتى مفكيش حاجه يا ماما 
مريم ها يطلقنى يا طنط وهو لسا اول مره يشوفنى ما حاولش يقرب او يدينى فرصه انا ذنبى ايه هو التخن بقى ذنب انا حسيت إنى بشعه 
كارما بنرفزه ما تقوليش كدا على نفسك انتى زيك زى أى واحده مش ناقصك حاجه قوليلى مين فين كامل الكامل لله واحده ...... واحد ما يستاهلكيش ولا يستاهل طيبة قلبك وادبك وأخلاقك فوقى كدا ماحبش أشوفك ضعيفه أبدا
داليا كارما عندها حق وان كان على التخن ها تخسى مفيش
مشكله خالص خليكى واثقه فى نفسك انتى لسا صغيره ودى اول تجربه ليكى اوعى تخليها تكسرك فاهمه .
مريم الا حصل كان صعب عليا أهله بحسهم أهلى وبحبهم قوى وهو خلاص أتعلقت بيه اد ايه كان فاهمنى ورقيق معايا فى المكلمات الا بينا كان بيشاركنى فى كل حاجه فى حياته حتى ايام طفولته كان بيحكهالى انا ما أستاهلش منه دا أكيد اول ما يطلع النهار ها يطلقنى رسمى ... ها أقول ايه لأهلى .... انا تعبانه مش قادره أقعد 
داليا خديها يا كارما اوضتك وخليها ترتاح 
كارما قومى ياله وأمسحى دموعك ودخلت الاوضه ورمت نفسها على السرير بإهمال عشان تهرب من المها وكسرة فرحتها بالنوم ...هو الدوا لحالتها 
مصطفى فى ايه يا حسن انطق 
حسن مش عارف يا مصطفى انا عملت ايه وازاى عملت كدا 
مصطفى انطق يابنى عملت ايه 
حسن قص عليه كل ما حدث 
مصطفى ليه كدا يا حسن انا بقول عليك عاقل وبتوزن الامور هى ذنبها ايه .... ايه يعنى تخينه ها تخس يا اخى هى الدنيا وقفت على كدا 
حسن مش عارف يابنى انا كنت بتصرف زى المچنون ها أقول ايه لأبويا وأمى والا أهلها الا سابوها لينا ومطمنين عليها معانا 
مصطفى ها ندور عليها وان شاء الله نلاقيها هى مش من بلدكم 
حسن ايوا 
مصطفى أكيد سافرت على بيتهم هناك هى لها حد هنا 
حسن كل أهلها فى البلد والا أعرفه انهم مش قريبين منهم عشان كان حصل شوية مشاكل بينهم
مصطفى طيب نسافر 
حسن انت متخيل انى ممكن اقدر اواجه ابويا وأمى لو عرفو ولو ملقتهاش الموضوع ها يكبر 
مصطفى ادينى العنوان وانا ها ابعت حد من طرفنا يتاكد هناك والا لاء 
مصطفى هى حاجتها فين صحيح 
حسن لسا فى البيت 
مصطفى تعالى ندور فى حاجتها يمكن نلاقى فيها ارقام لأصحاب لها 
صفيه ما تتصل تطمن على الولاد يا حج 
محمود سبيهم بقى خليهم يفرحو ببعض 
صفيه تفتكر ابنك ها يتقبلها طوالى والا ممكن يدايقها 
محمود مش عارف بس أكيد ها يحبها البت تتحب لما يعاشرها وسيبك من طلباته الا ملهاش عازه 
صفيه يارب 
يزيد مالك يا داليا 
داليا قصت له كل شئ 
يزيد لا حول ولا قوة إلا بالله يعنى البنت أجرمت فى ايه يعتى ايه العقول دى 
داليا قطعت قلبى يا يزيد هى ما تستاهلش كدا فرحتها اتكسرت أمال لما أهلها يعرفو 
يزيد ربنا يكون فى عونهم دا لو بنتى
ها أخنقه بأيدى 
داليا ربنا يسترها 
يزيد هى عامله ايه دلوقتى 
داليا الحمد لله نايمه أهو أهون ما تقعد تفكر 
يزيد بقولك ايه أحمد طلب بنتك تشتغل معاه ايه رأيك أقوله على مريم كمان 
داليا ياريت أهى تنسى نفسها فى الشغل بس قولى ايه الا جمعك بيه من تانى 
يزيد مشروع جديد ها نعمله مع بعض وعايز يدخل شړاكه معايا ايه رأيك 
داليا الصراحه هو لا خلاف عليه وعلى أخلاقه وشغله سليم