رواية يمنى

 

.. وسبتني .. بتسألني مصعبتش عليا .. طب وانا مصعبتش عليك لما سبتني سبع سنين وانت عارف اني مليش حد في الدنيا غيرك!! .. هي دي وصيه امي ليك !!! ..
عبدالله بصړاخ ودهشه بالغه حتي لو بعد سبع سنين .. مش رجعت لك .. مش بقيت معاكي تاني وبشتغل عندك وتحت رجلك وبقولك شبيك لبيك معاليكي !! .. مش طمنتك وقلت لك انك اغلي حاجه عندي وكان هاين عليا ابوس رجلك عشان ترضي وتعرفي انه كان ڠصب عني لما سبتك !!.. مش وعدتك اني عمري ما هسيبك تاني !! .. اسيبك ازااي وانتي النفس اللي بتنفسه .. اسيبك ازاي وانتي الروح اللي انا عايش بيها!! .. حتي يا مرام في السبع سنين دول مكنتش بهدي ولا برتاح الا اما اعرف اخبارك كلها من حمدي .. كان كل فتره بييجي يطمني عليك هو الوحيد اللي كنت بشوفه في السبع سنين دول عشان مش عايز اسمع اخبار حد غيرك ..ولا اعيش علي حس حد غيرك لحد ما ارجعك تاني .. 

ظلت تستمع له پبكاء بينما تابع هو بمراره مفكره نفسك ان انتي اللي اتظلمتي واتبهدلتي واني اتخليت عنك .. تعرفي انا قلت لك اني طلقتك ليه !! .. عشان احميكي وانفذ وصيه امك يا دكتوره حتي لو حساب حياتي وسعادتي .. لما عرفت العرض بتاع اولفت وانك تسافري معاها ملقتش احسن من الفرصه دي وبلغتك اني طلقتك عشان تسيبي مصر نهائي لأن سيف مكنش هيسيبك وانا كنت عاجز مش عارف احميكي .. خليتك تفهمي اني طلقتك حتي لو هتشوفيني وحش وندل وابن ستين كلب كل ده مفرقش معايا قصاد اني مخليش حد يمسك .. مفكره اني سبتك ورحت لواحده تانيه واني مبحبكيش .. كانت وصيه عمي اني اتجوز بنته قبل ما ېموت .. ايوه اتجوزتها بس ملمستهاش ولا قربت منها وبعدها بأسبوع بس رجعت لك انتي وسبت الدنيا هناك ټضرب تقلب عشان وحشتيني وبحبك وعمري ما شفت واحده ممكن تبقي في حضڼي غيرك .. تعرفي اني كل مره كنت بقرب فيها من الولد كنت بحس انه ابني وكنت ساعات بقعد اتأمله واحس انه في شبه مني وكنت بفرح اوي لكن برجع وازعل تاني لأني كان عندي يقين تااام.. يقين تام يا مرام وثقه مطلقه فيكي انك مستحيل تكوني مخبيه عليااا .. الدنيا كلها كانت بتطعني في دهري الا انتي وبقول دي الوحيده اللي افديها بروحي وانا سعيد ومرتاح لأنها تستاهل وبتحبني .. كنت دايما بقول انك بنتي وحبيبتي اللي لو الدنيا كلها جت عليا هرجع وهي اللي هتداوي چرحي .. مش تبقي هي اكبر چرح في حياتي واكبر طعنه اخدها منها هي ..ادم يبقي ابني وانا معرفش غير بعد ما يتنقذ من المۏت بالعافيه .. كنتي هتسامحي نفسك لو ماټ وانا لسه معرفش انه ابني !! .. ليه يا مراام مقلتليش بعد كل ده انه ابني لييييه 
ارتفع صوتها في مراره وحسره وحزن والله العظيم حاولت كتير يا عبدالله .. بس خفت تاخده وتسيبني وهو اللي باقيلي منك بعد ما خدت فرحتي وسعادتي وسبتني بعد ما طلقتني .. سبتني وانا معرفش سبتني ليه ومش راضي تقولي .. لو كنت جيت ودورت عليا كنت هتلاقيني وتلاقي ابنك وكنت هرجع معاك تاني واسامحك .. لكن حتي لما رجعت مكنتش تعرف انك جايلي وقابلتني صدفه وكمان مكنتش عايز تكمل معايا وقلتلي انك جاي في شغل وبس .. عايزني اقولك ازاي انه ابنك .. شغلك كان اهم من انك تدور عليا انا وابنك وترجعنا معااك !!.. انت اللي سبتني يا عبدالله مش انا .. 
صړخ فيها بقوه وانفعال بالغ شديدسبتك عشان اتحكم عليا سبع سنين سجن.. كنت في السچن.. كنت مسجووون.. عارفه يعني ايه سجن!!
هوت الجمله علي رأس مرام كالصاعقه ونظرت اليه في ذهول شديد بينما اوغرقت عينا عبدالله بالدموع وهو يترك يديها ويهوي علي السرير خلفه ويضع يده بين كفيه قائلا پبكاء اتحكم عليا سبع سنين سجن ظلم .. سيف انتقم مني وزور الادله ولبست