اختي وجوزي في العيد _كامله_بقلم هويدا زغلول
المحتويات
حسن دلوقتي انا بقول لسماح اني هاخد ازازة البرفان بتاعها دي وهي مش راضية مستخسراها فيا يرضيك كده ياعمو
سماح
يا بابا علا فتحت شنطتي وقولت ماشي زي اختي وكمان عايزة تاخد البرفان اللي جوزي جابهولي هديه هو ينفع يابابا تاخد الهديه اللي جيالي
ماجده
هي مش علا دي زي اختك برضو ياسماح ولا ايه ماتقول حاجة ياحسن
حسن
خلاص بقا ياسماح ابقي قولي لجوزك ان اختك هي اللي اخدتها معلش وبعدين فين الفطار المغرب قرب يأذن انتو عاملين اكل ايه النهارده
ماجده
بنتك عملت لك مكرونة بالبشاميل وحياتك ياحسن قولت لها ادخل انا اعمل بس هي صممت تعمل هي
انا هدخل احط الاكل على ما المغرب يأذن
ودخلت المطبخ وبابا قال لماجدة
انتي سبتيها تدخل المطبخ ليه بس ياماجده دي المفروض انها جايه عندنا ضيفة
ماجده
يوه وهو انا يعنى اللي قولت لها تعمل ياحسن دي هي اللي صممت تدخل المطبخ ياخويا وتعمل الاكل وكل حاجة حتى اسال علا
حسن
طيب انا داخل اغير هدومي جوه
وحضرت الاكل كله واكلنا كلنا ورجع محمود بالليل بعد الفطار ودخل عند بابا واقعد شوية وقالي
مش يلا بينا ياسماح بقا ياسماح انا عايز ارجع البيت ارتاح شوية انتي عارفه اني بصحي بدري للشغل
ماجده قالت
ومستعجل على ايه بس يا استاذ محمود لسه بدري وبعدين انت اقعد منورنا والله
محمود
متشكر ياست ماجدة بس معلش اصل امي طول النهار لوحدها ولازم نرجع انا وسماح لتكون محتاجة حاجة
علا قالت بسرعة
ابقي تعالي هنا تاني ماشي اقصد انت وسماح
انا بصيت لها وقولت يلا بينا يامحمود
ونزلنا رجعنا البيت ومحمود قالي
تصدقي أن مرات ابوكي دي شكلها لطيفه اوي هي وبنتها
سماح
ياسلام ليه هما عجبوك ولا ايه ياحبيبي
محمود
انتي بتغيري عليا ياقطتي ولا ايه بقولك ايه ماتدخلي جوه تغيري كده وتحطي من البرفان اللي جبتهولك وتعالي
انتي فين ياموحة
سماح
نعم يامحمود
محمود
انا مش شامم ريحة البرفان يعنى
سماح
انا بصراحة كده عايزة اقولك على حاجه يامحمود علا بنت مرات ابويا اخدت البرفان ولما اتكلمت وزعقت لها امها اتخانقت معايا واتهموني اني مستخسرة فيها
محمود
امممم يعنى طمعت فيه خلاص ولا يهمك ياحبيبتي هبقا اجيب لك غيرة المهم انا كنت اديتك الصبح الفين جنية تخليهم معاكي ممكن تجبيهم لاني عايزهم وبكره هديكي غيرة
سماح
حاضر هجيبهم من الشنطة
ودخلت فتحت الشنطة ملقتش غير الف ونص بس وفضلت اعد انا مجبتش حاجة وافتكرت ان علا فتحت الشنطة
فين الفلوس ياسماح
سماح
بصراحة يامحمود اااا
محمود
في ايه تاني اللي حصل
سماح
الظاهر كده علا لما فتحت شنطتي اخدت فلوس وازازة البرفان كمان من الشنطة
محمود
انتي بتقولي ايه معقوله الكلام ده يعني سړقت الفلوس منك واخدت كمان البرفان بتاعك هما ايه شيوخ منصر ولا ايه ياسماح
سماح
متزعلش يامحمود انا هكلم بابا واحكيلة واعرفه انها سرقتني
وعند بابا كلمته وقالي
ازاى ياسماح تتهمي علا اتهام زي ده اوعي اسمعك تقولي كده تاني وقفل في وشي
ماجده
في ايه ياحسن مالك بتزعق لمين في التليفون
حسن
سماح بتقولي أن علا خدت فلوس من شنتطها الفلوس دي جوزها كان مديها لسماح عشان تشيلهم معاها
ماجدة
نعممم ياخويا انا بنتي تاخد فلوس من بنتك ليه مش لاقيه ولا مش لاقيه تلاقي بنتك ضيعت الفلوس وهي اللي راحت تقول كده لجوزها عشان تداري عملتها
حسن
انتي بتقولي ايه ياماجدة معقوله الكلام ده
وخرجت علا من جوه وقالت
ايوه ياعمو حسن هي اكيد خدت الفلوس من ورا جوزها واديتها لحبيب القلب اللي كان معاها
متابعة القراءة
