اختي وجوزي في العيد _كامله_بقلم هويدا زغلول

رجعت من صلاه العيد لقيت اختي علي سريري وبتقولي اتجوزت جوزك
وقبل ما بدا حكايتي اعرفكم بنفسي انا اسمي سماح عندي 27 سنة امي راحت وعايشه مع ابويا 
في يوم لقيت ابويا بيقولي
حسن
اسمعي يا سماح يابنتي انا دلوقتي عايز اطمن عليكي وقلبي يرتاح من ناحيتك انا مش هينفعك اسيبك قاعده جنبي كده
سماح
يعني ايه يابابا انا مش فاهمة حاجة خالص
حسن
بصي يا سماح بصراحة كده انتي جايلك عريس كويس وغني معاه فلوس وهيقدر يعيشك عيشة كويسه
سماح
ازاى يابابا انت عايزني اتجوز واسيبك لا طبعا انا مش هتجوز واسيبك لوحدك لا طبعا

حسن
اصل اااا انا اااا يعنى
سماح
هو في ايه يابابا ماتقول اللي انت عايز تقولو بسرعة مش عارفه حاسه انك عايز تقولي حاجة
حسن
اصل انا بصراحة ياسماح هتجوز وهجيب مراتي تعيش معايا هنا وعشان عارفك مش هتكوني حابه اني واحدة هنا بعد امك فقبلت بالعريس اللي جاي لك ده
سماح
يعني عشان انت عايز تتجوز عايز تجوزني لواحد انا معرفوش قبل كده ولا عمري شوفته
حسن
ماهو يابنتي انا هعمل كده عشان مصلحتك وعشان ابقي مطمن عليكي
سماح
بس انا ااا عايزه افكر يابابا مش هينفع أوافق كده علطول
حسن
ماشي يابنتي فكري بس تردي عليا علطول عشان انا كمان اروح اكتب كتابي واجيب مراتي هنا
وسابني بابا وانا فضلت افكر واتصلت ب جمال جارنا اللي بحبه وهو كمان بيحبني قولت له
الووو ايوه يا جمال الحقني بابا جايب لي عريس وعايزني أوافق عليه وانا طبعا مش عايزة حد غيرك
جمال
انتي ايه ياسماح يعنى ايه عايز يجوزك لحد تاني
سماح
يعني انت كنت جيت اتقدم واتكلمت وهو وافق ما انت سايبني ياجمال ومش عايز تيجي تتقدم
جمال
ماهو يا سماح انا لسه مكونتش نفسي وقدامي مشوار طويل على مجمع فلوس الشبكة والمهر وكل ده مش اقل من سنتين تلاتة
سماح
خلاص يبقا تخطبني لحد ماتكون نفسك ونتجوز
جمال
مش هينفع طبعا انا مش معايا اي حاجة اتقدم بيها ارجوكي ياسماح متتغطيش عليا انا مش لاقي اكل واقولك لو العريس اللي جالك ده جاهز وافقي عليه وخلاص سلام
وقفل في وشي الخط وقولت
يانهارك اسود ياجمال بقا دي اخرتها تعمل معايا كده ماشي واڼهارت من العياط
وبعد يومين بابا سالني وقالي
ها يا سماح يابنتي ارد على الراجل اقوله انك موافقه
فضلت ساكتة شوية وبعدين قولت له ماشي يا بابا اللي تشوفه انا هعمله خلاص انا موافقه
وفعلا بابا كلم محمود وجه عندنا واقعد معايا وارتحت له ووافقت عليه كتبنا الكتاب واتجوزنا
رحت معاه البيت وقالي
مبروك ياعروسة نورتي بيتك بصي بقا انا احب مراتي تسمع كلامي في كل حاجة واي حاجة هتعمليها تاخدي رأي فيها الأول وبيت ابوكي تروحيه باذني اكتشفت انك روحتي من غير اذني هنزعل مع بعض ماشي
سماح
حاضر يامحمود اللي تشوفه انا هعملة
وطلعت حماتي وقالت
لولولولوي مبروك يا عروسة ابني يارب كده تفرحي قلبي واشوف منك ولاد ابني
سماح
ان شاء الله يا حماتي
الحما
طيب هنزل انا بقا تحت في شقتي عشان اسيبكم ياعرسان
ونزلت حماتي وسبتنا ومحمود قالي
انتي هتقضي هنا في شقتنا اسبوع عسل وبعد كده هتنزلي لأمي وتكون ايدك بايديها في كل حاجة في الشقه بتاعتها
سماح
حاضر يامحمود اي تعليمات تانية اصلي من ساعت ما دخلنا هنا وانت نازل فيا تعليمات تعليمات
محمود
جرا يا سماح مش بعرفك نظامي ماشي ازاى ولا انتي عايزاني اتجوزك كده عمياني ولو عملتي حاجة غلط متتحاسبيش
سماح
لا يا محمود ادي تعليمات زي ما نت عايز ممكن بقا ادخل اغير هدومي في الاوضة
وسبتة ودخلت الاوضه
وبعد جوازي بااسبوع بابا اتجوز وجاب مراته وبنتها يعيشو معاه في