اختي وجوزي في العيد _كامله_بقلم هويدا زغلول

تاني
ماجده قالت بخبث
طيب ياحبيبتي ربنا يسعدك يارب بقولك ايه ياسماح ما تقومي كده تدخلي المطبخ وتعملي انتي الاكل النهاردة يعنى خلينا ندوق اكلك واشوفك شاطرة في المطبخ ولا ايه ونفطر من عمايل ايديكي
سماح 
حاضر يا مرات ابويا بس انتو عايزين تطبخو ايه النهارده
علا 
انا نفسي افطر النهارده مكرونة بالبشاميل بتعرفي تعمليها ولا هتطلعي خايبة ههههه
اضايقت من كلامها وقولت 
انا مش خايبة ولا حاجة انا شاطرة في المطبخ وفي كل حاجة ياعلا يعنى ملوش لزوم الكلام ده
ماجده 
يووه جرا ايه يا سماح علا بتهزر معاكي ومتقصدش حاجة يعني الله هو انتي هتاخدي كل كلمة على صدرك كده ولا ايه خليكي حلوه وبلاش تبقى مقفله كده

سماح بنفاذ صبر 
حاضر يامرات ابويا سيبوني بقا ادخل المطبخ عشان اعمل الاكل
وسبتهم دخلت المطبخ لقيت المطبخ كله مواعين ومش نضيف خالص وكل حاجة مبهدله وقولت 
ايه ده يانهار اسود ايه القرف ده معقوله مش بينضفو المطبخ ولا بينضفو المواعين وبيسيبو الدنيا كده في المطبخ ياساتر ايه ده
ودخلت مرات ابويا وقالت 
ايه يابت انتي بتكلمي نفسك ولا ايه مالك
سماح 
مفيش يامرات ابويا بس انا بقول هو المطبخ عامل كده ليه ايه المواعين دي كلها وتحت الحوض مش نضيف ليه كده والبوتجاز مش نضيف
ماجده 
بقولك ايه يا بت هو انتي جايه تعدلي علينا ولا ايه ياختي وطالما لقيتي الدنيا مش نضيفة خلاص نضفي انتي بقا وورينا شاطرتك
سماح 
حاضر يامرات ابويا اتفضلي انتي سبيني وانا هنضف المطبخ واشوف انا هعمل ايه
وخرجت هي واقعدت هي وبنتها في الصالة وبنتها قالت لها 
انا هفتح شنطة الخروج بتاعتها دي اشوف فيها ايه لو لقيت مكياج ولا حاجة عجبتني هاخدها
وفعلا علا فتحت شنطتي وقالت 
الحقي ياماما شوفي معاها فلوس اد ايه يلهوي يابنت المحظوظة ياسماح انا هاخد منهم دول 
وسحبت 500 جنية من الفلوس اللي كانت معايا في الشنطه
ماجده 
ومعاها ايه تاني ياعلا في الشنطة
علا 
يلهوي على الروج والبرفان دي معاها حاجات ياماما بالهبل انا هاخد ازازة البرفان دي وتبقا تجيب غيرها ماهي على قلبها وقلب جوزها فلوس اد كده
انا في المطبخ عماله انضف واغسل المواعين وعملت الاكل ودخلت علا قالت لي 
بقولك ايه ياسماح مش احنا اخوات برضو ياحبيبتي ولا ايه
سماح 
طبعا ياعلا اخوات
علا
انا بصراحة عجبني البرفان بتاعك ده وأخدته ليا ماشي
سماح 
هو انتي فتحتي شنطتي ولا ايه أصلها كانت في شنطتي
علا 
ااه منا فتحتها وبصراحة لقيت معاكي روج حلو اوي قولت اخده هو والبرفان ده مش احنا اخوات برضو
سماح 
ايوه ياعلا انتي زي اختي بس ممكن تسيبي ازازه البرفان دي وانا هجيب ليكي غيرها واحسن منها كمان اصل محمود جوزي هو اللي جايب لي هديه
علا 
الله طيب ومالو مايجيب لك غيرها اصل انا بصراحة عجباني دي اوي وهاخدها 
قالت كده وسبتني وطلعت من المطبخ
وخرجت وراها وقولت 
استني ياعلا ارجوكي سيبي الازازة دي وانا هجيب لك غيرها والله صدقيني
علا 
وانا قولت هاخد دي يعنى هاخد دي وانتي مستخسرة فيا ازازة برفان ياست سماح
سماح 
انا مش مستخسراها ولا حاجة والله انا بس بقولك ان دي هدية جوزي مش هينفع تاخديها
ماجده 
مالك يابت ياسماح انتي هتعملي لنا قصه عشان خاطر حته ازازة برفان اد كده
سماح 
انا ماقولتش حاجة بسس.......
ماجده 
ولا بس ولا مبسش ياختي خلاص خلصنا وادخلي المطبخ يلا كملي اللي وراكي
وفي الوقت دخل بابا من برة وقال 
الله انتي هنا ياسماح ياحبيبتي واخدني  وحشتيني اوي ياغالية
سماح 
انت كمان يابابا وحشتني اوي طمني عليك عامل ايه
حسن 
انا كويس ياحبيبتي بس سامع صوتكم عالي وانا داخل من الباب هو في حاجة ولا ايه
علا 
انا هشهدك ياعمو