قلبي بنهارها مغرم

واد أني عايزك تبجا دكتور ولا مهندس لجل ما تشرفني جدام چدك وأعرفوا كيف العلام بيكون مش كيف زيدان ولده اللي واخد كلية تچارة خيبانه زييه
ضحك ساخرا وأكمل 
_ كنت دايما زارعني جار چدي لجل ما أكون جريب من جلبه ويحبني عشان ينسي بيا بعده عن عمي زيدان چدي من ناحية يعلمني الأصول وكيف أحب إعمامي وولادهم وكيف أكون سند لعزوتي بعديه
وأكمل پتألم 
_ ومن الناحية التانية إنت وأمي تعلموني كيف أكرة ولاد إعمامي وأتفوج عليهم كلياتهم وأعتبرهم أعداء ليا ولخواتي جسمتوني نصين بيناتكم 
وأكمل بنبرة ممېته مميلا برأسه

شرختوني يا أبوي
تساءل بعيون لامعة بالدموع شقت صدر فارس الذي يستمع إليه بقلب ېصرخ مټألم 
_ چاي دالوك تجول لي إرسي علي بر وإختار مصلختك 
مېتا إختارت شي بخاطري أني يا أبوي 
مېتا كان ليا رأي وكلمة بيناتكم 
طول عمري وأني مچبور علي كل حاچه طول عمري متساج ومسير من مېتا أني كنت مخير 
وأكمل مذكرا إياه 
_فاكر لما چبت مجموع جليل في الثانوية العامة كلت منيك جتلة مناسيهاش للنهاردة وجتها جولت لك هدخل تربية رياضية لجل ما أحجج حلمي وألعب كورة وأدرب العيال اللي عدرس لهم 
وجفت في وشي وجولت لي لامهيحصلش أبدا وكان يوم عيدك لما چدي جرر يدخلني الكلية اللي بطلع المحامين لجل ما أمسك له جضاياة الكتيرة بدل الأستاذ عبدالجليل المحامي
وضحك ساخرا 
_ وبعدها إختار لي شجتي عرببتي حتي سريري اللي كت عنام عليه كان علي ذوجه هو
وأكمل
_ بعدت كان نفسي أنسلخ من چلدي وأطلع من إهني بدون راچعة وأبعد عن كل حاچة الكرة والحجد والتحكمات والظلم اللي ماليكم
رميت حالي في ظلام أول واحدة جابلتني لجل بس ما أهرب من چوازي من بت عمي اللي إنت وأمي باصين لورثتها مش ليها
وأكمل بصياح 
_ كت عايز أهرب لجل ما أحميها من حالي ومنكم بس معرفتش وكن الدنيي بطلع لي لسانها وتجول لي مېتا إختارت شي بخطرك يا حزين لجل ما تاچي دالوك وتختار .
ما أصعبه من شعور ممېت حين تجد أقرب الناس إلي روحك هم من يسخرون من ألامك والتي هي بالأساس من صنع أيديهم
هكذا كانت نظرات قدري وفايقه الساخرة وهم يرمقون قاسم مقللين من حجم معاناته ومن شكواة إلا من شقيقه والذي يشبهه بالأساس كم كانت متشابهه روحيهما في التمزق وكأنهما يتقاسمان الألم ذاته كم كان داخل فارس مشوة دميمم كداخل شقيقه !
كانت تستمع له بقلب متيبس لا يعرف للرحمة معني أما والده فقد صاح به بتجبر غير عابئ بحالة صغيرة التي تقطع أنياط القلب 
_ده بدل ما تاچي تتشكرني وتحب علي يدي
بعد كل اللي عملناه علشانك دي چاي ترمي علينا اللوم والعتب


________________________________________

! 
وأكمل 
_ أني عملت منيك راچل ملو هدومك چدك بيكبرك ومهيخطيش خطوة واحدة غير لما بياخد مشورتك فيها
وأسترسل حديثه بمراوغة وكذب 
_حتي بت زيدان اللي خفت عليها من طمع النجع والمركز كليتاته في مال أبوها وجولت أچوزها لك لجل ما أحميها من طمع الخلج فيها چاي تتهمني إني طمعان في ورثتها يا قاسم 
وتسائل غاضب 
_ هو ده چزاتي أني وأمك بعد كل اللي وصلناك ليه 
ضحك ساخرا علي حاله
أما فايقة التي تحدثت إلية بصياح وفحيح من بين أسنانها 
_ عملت فيك إية بت ورد
أكيد سحرت لك كيف أمها ما سحرت لزيدان جبل سابج 
وتساءلت بصياح حاد 
_ شربتك إية يا ولدي آنطج 
أجابها بنبرة حزينة وعيون مټألمة لأجل والدته التي لم تشعر به قط وبحال قلبه الدائم التشتت والتألم 
_ شربتني حنانها من مچرد نظرة عنيها وهي بتبص لي عرفتني إن لسه في الدنيي ناس جلوبها صافية ونضيفهطبطبت علي جلبي من مچرد حاچات بسيطة عتعملها بمنتهي العفوية جابلت جسوتي وچبروتي بمنتهي الحنية يا أما 
تحدث قدري كي ينهي تلك المناقشة عديمة الجدوي بالنسبة له وخصوصا بعدما استشف الإصرار من عين نجله والذي يتوافق مع رأيه بالأساس 
_ إعمل اللي عيلد عليك يا قاسم الحكاية كلياتها من اللول مكانش ليها لزوم چدك لو كان عرف بالإتفاج دي كان عيشندلنا كلياتنا وعتجوم جيامتنا وياه ومهنخلصش
جحظت عيناي فايقة من إستسلام زوجها لقرار قاسم وضياع حلم حياتها بكسر زيدان علي غاليته فتحدثت بإعتراض بنبرة غاضبة 
_ حديت إيه اللي عتجوله دي يا قدري 
رمقها بنظرة حاړقة وتحدث بنبرة حادة أخرستها 
_ اللي سمعتيه يا فايقة ومعايزش رط حريم واصل .
رمقتة بعيون تطلق شزرا تحت نظرات قاسم وفارس المتعجبة من حالة تلك المشټعلة ڼارا من ذاك القرار
فاق فارس علي حاله وتحرك إلي شقيقه وتحدث بنبرة حزينة لأجله 
_ يلا عاود علي شجتك يا قاسم وأول ما ترچع مصر حل الخطوبة اللي مكانش عيچي لك
من وراها غير مشاكل ربنا وحده اللي عالم كانت هترسي علي إية