بقلم ايه حسام عرفات

كفايه كسرت فرحتها
مراد انا بقول لك حليمه لسه مراتي وانا هرجعها
ام حليمه ده بعينك تشوف ضافر من ضافر بنتي واطلع بره انت مطلقه بقالك شهرين ونص انا اه ما اعرفش ايه اللي حصل يوم فرحكم خلاكم توصلوا للطلاق لكن كل اللي اعرفه اني انا بنتي اشرف من الشرف واكيد الغلط من عندك انت مش من عند بنتي وبنتي لو انت اخر راجل في الدنيا عمرها ما هترضي بيك تاني يلا اطلع بره
مراد طلع من بيت ام حليمه وكان متعصب جدا من كلامها ركب عربيته وطلع على البيت
اول ما دخل البيت كانت امه نايمه في الاوضه دخل عليها الاوضه
ام مراد اهلا
وسهلا انت شرفت
مراد انتي فعلا بعتي ورقة طلاق حليمه على بيتهم
ام حليمه ايوه بعتها
ايه عندك مانع
مراد انت ازاي تعملي كده من غير اذني
ام مراد هو انت مش طلقتها ولا انا بيتهيالي
مراد انتي عايزه مني ايه عايزاني نفسي علشان ترتاحي ضيعتي مني حب حياتي وضيعت الامل الوحيد اللي كنت عايش عليه اني اردها وارجعها في ام بتعمل في ابنها كل ده
ام مراد لما الابن مايكونش عارف مصلحة نفسه لازم الام تفوقه
مراد طب ممكن اعرف انتي جبتي منين الامضه بتاعتي
ام مراد دي حاجه بسيطه قوي حطيت الورقه من ضمن الاوراق اللي المفروض تمضي عليها وانت مضيت
مراد انا عمري ما هسامحك وحليمه انا هرجعها واعتبريه وعد مني ليكي
مراد خد عربيته وكان مخڼوق ومشي
حليمه اول ما وصلت القاهره ما كانتش عارفه تروح فين اول ما جه في بالها تروح راحت عند خالتها
خالتها اول ما شافتها
الخاله حليمه حبيبتي تعالي اتفضلي نورتي البيت
حليمه ازيك يا خالتي عامله اي
الخاله انا كويسه والله يا بنتي انا زعلت يا حبيبتي من اللي حصلك معلش بكره ربنا يعوضك باحلى منه
حليمه سمعتي اي بالظبط
الخاله سمعت انك اتطلقتي يوم فرحكم بس بصراحه ما اعرفش السبب اي بس مش مشكله يبقى هو مالوش خير فيكي
حليمه كل شيء قسمه ونصيب يا خالتي انا ما اعرفش انا جيت عندك ازاي بس انا ما اعرفش حد في القاهره خالص غيرك علشان كده جيتلك
الخاله انت تنوري في اي وقت يا حبيبتي
حليمه ربنا يخليكي انا بس هقعد عندك يومين تلاته لحد ما اشوف سكن اقعد فيه
الخاله انتي تقعدي زي ما انتي عايزه يا حبيبتي قلتلك قبل كده ده بيتك
حليمه تسلمي يا خالتي ربنا ما يحرمني منك ابدا
الخاله طب تعالي يا حبيبتي
ارتاحي شويه لحد ما احضرك لقمه تاكليها
حليمه دخلت عشان ترتاح وخالتها دخلت تجهزلها الاكل شريف جوز خالتها دخل المطبخ
شريف هو في ايه بالظبط يا عزه
عزه معلش يا حبيبي بنت اختي هتقعد عندنا كم يوم
شريف هي المشرحه ناقصه احنا عارفين نمشي نفسنا عشان نجيب واحده كمان نصرف عليها
عزه معلش يا حبيبي هتقعد عندنا يومين اتنين بس وبعد كده هتشوف لها مكان تقعد فيه
شريف وهي مش المفروض تقعد مع امها في الاسماعليه ايه اللي جابها القاهره
عزه اصلي يا حبيبي جوزها طلقها يوم دخلتهم والناس بتقول عليها كلام مش بطال عشان كده هربت من كلام الناس وجات على هنا معلش يا ابو العيال استحملها بس يومين اتنين وهي هتمشي
شريف يومين بس دي تقعد وتنور وتقعد العمر كله ولو ما شالتهاش الارض اشيلها فوف راسي
شريف دخل على حليمه عشان يتعرف عليها وكان نظراته كلها وحشه اتجاه حليمه
حليمه كانت ملاحظه كل نظراته ليها بس كانت بتكذب نفسها
عزه ده
بقى يا حبيبتي شريف جوز خالتك
حليمه ماده ايديها عشان تسلم عليه وهو ماسك في ايديها جامد وغمزلها
حليمه شدت ايديها منه بړعب
حليمه طب بعد اذنك يا خالتي انا عايزه ارتاح شويه ممكن تسيبيني ارتاح طب مش هتاكلي لقمه يا حبيبتي
حليمه لا يا خالتي انا مش عايزه اكل
تصبحي على خير
عزه وانتي من اهل الخير يا حبيبتي
في البيت عند ام مراد تليفون حازم رن
حازم هي دينا انتي ما بتزهقيش كل شويه رن رن
دينا في ايه يا حازم انت بتكلمني كده ليه
حازم عشان انا اتخنقت خلاص من اسلوبك ده لما مااردش عليكي مره ماترنيش تاني
دينا يعني ده جزاتي اني انا بحبك وانك وحشتني
حازم بلا بحبك بلا زفت بقى يلا اقفلي وهقابلك في الجامعه بكره سلام
حازم قفل في وش دينا ودينا فضلت ټعيط جدا
تاني يوم في الكليه دينا دخلت على حازم وهو واقف مع اصحابه
دينا لو سمحتو يا شباب انا عايزه حازم في كلمتين
دينا شدت حازم من ايده من وسط اصحابه
حازم انتي اي الهبل اللي انتي عملتيه ده
دينا ممكن اعرف في ايه مالك متغير من ناحيتي ليه
دينا يعني انت قصدك اي هتسيبني
حازم انا بفكر والله اني انا اسيبك
بس لحد الان ما قررتش بس لو فضلتي بالاسلوب ده انا هسيبك وفورا
بعد اذنك حازم ساب دينا ورجع لاصحابه
كريم اي يا باشا مالها البنت دي عايزه اي
حازم سيبك منها دي بت هبله
محمد قولنا بس عايزه منك اي وليه زعقتلها كده مع ان البنت حلوه ما تستاهلش انك تزعقلها
حازم بقولكم اي يا جماعه غيرو الموضوع انا ما بقتش طايق اتكلم مع البنت دي
كريم ليه بس في اي
حازم بت قفل كده وكل ما اقولها حاجه تقولي لا تيجي نخرج لا تيجي نقعد في كافيه لا اجي امسك ايديها لا وانا قرفت
محمد طب هي بتحبك ولا اي
حازم بتحبني بس دي فيا انتم شايفين واقفه عماله ټعيط ازاي
كريم ما بدام زهقت من كل الكلام دي يا اسطى ادخل على التقيل
حازم تقيل يعني اي مش فاهم قصدكم اي
كريم فتح دماغك كده يا حازم البنت بدام بتحبك اوي كده يبقى هتعمل اي حاجه علشانك
حازم وانتم عايزينها تعمل ايه بقى علشاني
محمد عادي يا اسطا كلمتين حلوين منك على كلمتين حلوين منها هتنسى كل الزعل ده
حازم وبعد ما تنسى يعني ايه اللي هيحصل
محمد اعمل بس اللي بقولك عليه وبعد كده هقولك تعمل اي
كريم اسمع الكلام يا حازم واحنا هنظبطك يا صاحبي
حازم اما اشوف اخرتها معاكم اي
بعد مرور اسبوعين حليمه قاعده عند خالتها وكل يوم جوز خالتها يبصلها نظرات وحشه ويحاول يحتك بيها وهي كانت بترفض
وفي يوم من الايام الخاله بالليل
حليمه يا حبيبتي
حليمه نعم يا خالتي
الخاله انا رايحه زياره عند اخت جوزي وهبات عندها النهارده وهاخد جوزي معايا وانتب يا حبيبتي خلي بالك من نفسك واحنا مش هنتاخر اول ما النهار يطلع هنجيب نفسنا ونيجي
حليمه خلاص ماشي يا خالتي براحتكم
الخاله هتعوزي حاجه اجيبهالك يا حبيبتي
حليمه لا يا خالتي عايزه سلامتك
حليمه في نفسها الحمد لله هخلص من الراجل ابو عين زيغه على الاقل النهارده
حليمه دخلت وقفلت الاوضه عليها وبعد تلات ساعات شريف دخل البيت واتسحب زي الحرامي لحد ما وصل غرفه حليمه
حليمه كانت نايمه بترنج بيتي وكانت فرده شعرها فتح باب الغرفه بالراحه وفضل يدخل خطوه خطوه لحد ما وصل على سرير حليمه مره واحده حط ايده على شعرها
حليمه ايه ده انت بتعمل ايه هنا
شريف بعمل الي المفروض اعمله
حليمه تعمل اي انت مش المفروض تبقى