نسيم العاصف لزهره الربيع
خبت عني وخدعتني انتي سامحتك لانك امي بس مش نضطر اسامحها
قال كده ولسه هيمشي وقفتو امه وقالت بسرعه .نسيم حامل يا ابني
عاصف وقف بزهول شديد وسلوى قالت..البنت عايشه لوحدها كل اهلها مقاطعينها..علشان اتجوزت من وراهم..ولو دلوقتي الناس عرفت انها حامل محدش هيرحمها محدش هيصدق انها كانت متجوزه
عاصف كان واقف بزهول وسعاده الدنيا في قلبلو حاول يسيطر على فرحتو وقال بجمود مصتنع..احم ..وانا..انا مالي
انت طول عمرك ذكي جدا ...حاول تفكر بس بعقلك..وتقولي ايه الي يخلي بنت صغيره وجميله ومن عيله زي نسيم تشترك في اللعبه دي..وتغامر بسمعتها واهلها..وتستحمل اهاناتك دي كلها وتعمل نفسها خدامه وهتتجوز علشان الفلوس
عاصف لما قالت كده انتبه لكلامها كانت فعلا دي الاسأله الي مش لاقي لها اجابه..فهم ان نفين خبت موضوع عمليتها علشان تتجوزو .وفهم ان والدتو عملت كده علشان تحميه..انما نسيم ليه وافقت على لعبه هيه اكتر واحده خسرانه فيها ..ده الي مش لاقيلو جواب
عاصف طلع جري وركب عربيتو وطلع على عنوان نسيم الي اخدو من والدتو
بعد شويه وصل بيت نسيم وكانت قاعده في بيت جميل صغير في منطقه معزوله قعدت فيه بعيد عن اهلها لانهم قاطعوها
عاصف دخل ولقاها بتسقي الورود ابتسم وقال...ممكن اعرف مراتي فين وسط الورد ده..لاني مش واخد بالي
ونزلت دموعها بحزن وقالت..احم..انا..انا مش مصدقه انك قدامي
عاصف قرب منها وقال بدموع..ولا انا مصدق ان فيه واحده ممكن تحبني بالشكل ده..مش مصدق انك عملتي في نفسك كده علشان بتحبيني. انا..انا اسف..اسف سامحيني سبتك لوحدك بعد ما خسړتي كل حاجه بسببي
عاصف ضحك ومسح دموعه وقال...انا فاكر الجمله دي كويس..كنت كل ما ادخل واراكي المطبخ تقوليلي حرام احنا مش متجوزين
نسيم ابتسمت وقالت...دي الحقيقه
عاصف وقف قصادها وقال بحب..الحقيقه الوحيده انك قلبي وعمري وروحي ..ومعرفتش اعيش ولا حسيت بطعم الفرح والحزن والشوق واللهفه غير على اديكي اوعدك ..هتفضلي جمبي..وهعوضك عن كل دقيقه اتألمتي بسبي فيها
عاصف قال بحب كل امنياتك هحققهالك..وهاخدك من ايدك واصالحك على اهلك .. مش هخلي نفسك في حاجه ..حتى حفله ماجد هتروحيها
نسيم ضحكت بفرحه وعاصف قال بابتسامه ايوه كده. اضحكي ديما يا نسيمي الي خلى حياتي جنه
