بسبب خطيبي امي عملت فيا؟ كاااامله

من عيلة مبسوطة اوي
عبير 
وانتي عرفتي منين بقا ياماما
فايزة 
خالتك ام علي صاحبتي اللي قالت عليه
عبير 
ايوه وشافني فين ده يعني
فايزة 
هو مش شافك لسه هو هيجي يشوفك هي قالت لي بنتك عبير حلوه وزي القمر ومېت واحد يتمناها فقالت له عليكي وهو هايجي يقعد معاكي
عبير 
خلاص ياماما اللي تشوفيه بس لو هو مش عجبني مش هوافق عليه عشان نبقى متفقين ياماما
فايزة 
ماشي هو جاي بكرة يقعد معاكي وبعدها بقا نشوف
وجه العريس وعبير حست من ناحيته قبول ووافقت عليه وحددوا ميعاد الخطوبه ووليد اتصل بيا
وليد 
اي با بنتي فينك عامله ارن عليكي مش بتردي ليه 
اوعي اكون زعلتك في حاجه
عبير 
بقولك اي يا وليد مش هينفع نتكلم تاني معلش انا مش عايزه اي مشاكل وبعدين انا خلاص اتخطبت
وليد 
نعم يا اختي يعني اي اتخطبتي بقي انشاء الله 
بقولك اي الكلام ده مينفعش معايا انا لازم اشوفك ضروري فيه عمليه جديده لازم نعملها
عبير 
نعم انت عايز مني ايه انا مش قولتلك اني هتخطب وخلاص مش هعمل كده تاني
وليد 
انا عارف انك هتتخطبي بس ده مش هيمنع الاتفاق اللي بينا ياعبير بدل ماروح لخطيبك ده ووريه.......
عبير 
بس بس اسكت عايزني اهبب ايه دلوقتي
وليد 
مشوار حلو ياعبير ويلا تعالي معايا اوريكي مكانه فين
عبير 
طيب اقفل السكه وانا نازله منك لله يا وليد والله
وراحت عبير مع وليد ونفذت اللي هو طلبه منها وقالت له
عبير 
اسمع بقا دي هتبقا
اخر مره هعمل كده انت تبعد عني خالص
وليد 
ليه بس يابيرو ده انت حبيبي 
عبير اتعصبت وقالت 
ابعد ايدك عني انت هتتهبل ولا ايه
وفعلا نفذت عبير اللي طلبه منها وليد 
واتخطبت لإبراهيم وفي يوم كان قاعد معاها قالها
ابراهيم 
تعرفي ياعبير انك حلوه ومؤدبة اوي بصراحة كان نفسي من زمان في بنت مؤدبة ومحترمة زيك كده
عبير بكسوف 
شكرا يا ابراهيم
إبراهيم 
عبير ضحكت وبصت في الأرض
إبراهيم 
على فكرة انا جايب لك الهديه دي خودي بس يارب يطلع مقاسك
عبير 
ايه خاتم ليا انا بس انت جبتلي شبكة يا ابراهيم جبت خاتم ليه
إبراهيم 
عادي ياعبير الشبكة حاجة والهديه حاجة وبعدين انا لما بحب حد بحب اهاديه علطول يعنى دايما هتلاقي من ده
عبير 
ربنا يخليك يا ابراهيم وفي الوقت ده تليفونها رن وكان وليد وهي مسجلاه باسم واحدة صاحبتها بس شافت رقمة ومش عايزة ترد
إبراهيم 
ماتردي على تليفونك ياعبير
عبير 
لا لا مش مهم دلوقتي دي دي اصلا واحدة صاحبتي رغاية لو رديت عليها دلوقتي مش هخلص من رغيها انا هقفل التلفون خالص
إبراهيم 
ااه لا يبقا بلاش تردي دلوقتي احسن انا مبصدق اقعد معاكي شوية
عبير 
إبراهيم هو انت ممكن تسامحني لو انا مثلا عملت حاجة زعلت او انت عرفت عني حاجة زعلتك ممكن تسامحني
إبراهيم 
اولا الي بيحب بيسامح وبيعديها بس انتي ليه بتسألي السؤال ده انتي ناويه تزعليني منك ولا ايه
عبير 
هااا لا
لا خالص طبعا انا بس كنت بسال سوال مش اكتر
وفضلت قاعدة تتكلم هي وابراهيم ورجعت البيت ردت علي وليد وقالت
عبير 
نعم وبعدين معاك انا كنت قاعدة مع خطيبي وانت بتتصل معرفتش ارد عليك عايز مني ايه تاني
وليد 
عايز اشوفك ياعبير وحشتيني وعايز اشوفك
عبير 
انت مچنون صح ايه الكلام اللي بتقوله ده انا مش عايزة اشوفك ابعد عني بقا ياخي هوووف
وليد 
اوك ياعبير حيث كده بقا يبقا هبعت الفيديو لخطيبك عشان يعرف حقيقة خطيبته المحترمة وبتعمل ايه
عبير 
ياربي يعنى مش هعرف اخلص منك انت ايه شيطان
وليد 
اسمعي كلامي ياعبير وتعالي
وراحت عبير قابلتة وقالها 
حلوه الشبكة دي اوي ماتيجي نبيعها وو.....
عبير 
انت اټجننت ابيع ايه انت عايز توديني في داهية المره دي ولا ايه بطل جنان
وليد 
يابت محدش هيحس بحاجة هنجيب
بدالها دهب صيني ومحدش هياخد باله