رفقا بالقوارير بقلم ميادة مأمون

هاعرف اتصرف معاه.
مش دي المشكلة
المشكله ان قاسم عرف بس مايعرفش هو مين و حالف لما يعرفه لېقتله.
يا خبر طب قوليلي انا هو مين ده و انا هاخلي رامي يتصرف معاه
عصام يا دينا بس اوعي تجيبي سيرة لقاسم خلوة بس انتو يبعد عني
يا خبر عصام اه الندل الجبان مټخافيش يا وعد انا هاعرف اتصرف و هاخليه يبعد عنك
بجد يا دينا الموضوع دة في حياة او مۏت قاسم مابيتفاهمش في الحكاية دي بالذات
و كان هايقتل واحد قبل

كدة بسببي لمجرد انه كان عايز يخطبنى و انا خاېفه لو عرف المره دي يعملها و ماحدش يلحقه زي المره اللي فاتت.
خاېفه منه و لا عليه يا وعد

الاتنين يا دينا صدقيني الاتنين
مټخافيش يا حبيبتي انا هاتصرف شوفتي بقى نسيتيني انا أصلا طلباكي ليه
ليه
عشان اعرف انتو هاتيجو الجونة امتي 
هو ماتكلمش معايا اصلا في الحكاية دي و ماعرفش هايرضي ياخدني معاه و لا لاء
طيب يا وعد انا هاكلمه و اطمني هاتيجي معاه يعني هاتيجي.
رامي يا رامي
مالك يا دينا في ايه
في کاړثة مصېبة يا رامي تعالي شوف الحيوان اللي اسمه عصام عمل ايه
عصام ماله عمل ايه يعني
حكت له كل اللي وعد قالته ليها و هو كان قاعد قصادها مصډوم ف صاحبه اللي حزره انه يبعد عنها و ماسمعش كلامه
ېخرب بيت غبائك يا عصام انت برضو مشيت اللي في دماغك
يا خبر يا رامي هو انت كنت تعرف انه هيعمل كده.
صدقيني يا دينا انا لما عرفت هو بيفكر في ايه حذرته و وقولتله يبعد عن البنت دي لأنها مش زينا و اخوها مش هايسمح بحاجه زي كده.
اخوها مين قاسم مش اخوها قاسم يبقي جوزها.
مش معقول بقي قاسم الديب بكل فلوسه يتجوز البنت الصغيرة الفلاحه دي دي مش زينا خالص.
يا سلام يعني لو كانت زينا كان يبقي عادي ليه بقي يا بيه هو حضرتك كنت بتبقي عادي مع اي واحدة زينا.
عمرى و الله يا حبيبتي ما فكرت في حاجة زي دي.
مش قصتنا دي دلوقتي المهم نلحق الحيوان ده و نقوله يبعد عن وعد
قاسم عرف ان في حد بيطاردها و حالف لا ېقتله اول ما يعرفه و البنت الغلبانه عايشة في چحيم بسبب الحكاية دي.
خلاص يا دينا اول ما عصام يوصل هو و ندي انا هاكلمه.
طيب تمام بس هي ندي من امتي بتحب تركب مع عصام يعني هي مش كانت علطول لازقه لقاسم.
و الله مش عارف بس هو لما كلمني كانت معاه و قالي انهم هايجو سوي
بصراحة انا مباقتش فاهمه البنت دي خالص
مالكيش دعوه بيها يا دينا و ياريت تقطعي اي علاقه صداقة بينك و بينها البنت دي اخرها تيجي فرحنا و بعد كدة مش عايزين نعرفها تاني.
تمام يا رامي انا اصلا مش بقيت احبها و لا بحب القاعدة معاها
الو اهلا يا دينا ازيك اوزعة
ازيك انت يا قاسم عامل ايه
و الله يا دينا مش كويس عندي شغل كتير و وعد مجناني شويه و الدنيا ملخبطه معايا علي الاخر.
وعد مين فيهم يا قاسم اختك و لا مراتك
تبقي كلمتيها و حكت ليكي على كل حاجه
ايوا حكتلي بس علي فكرة البنت دي مظلومه معاك يا قاسم
عارف يا دينا و عارف اني كبير عنها بكتير و عشان كده ماكنتش عايز اعلن دلوقتي الا لما اتاكد من مشاعرنا احنا الاتنين
طيب هاتيجو امتي
مش عارف احتمال اسفرها البلد قبل ماجي
لاء اوعي يا قاسم هازعل منك اوي لو وعد ماجتش الفرح 
سيبيني افكر يا دينا
لاء انت مش هاتفكر انت هاتيجي و معاك وعد حتي يا اخي تعتبرها فرصه و تحسن علاقتك بيها
ههههههههه ماشي يا أوزعه.
اوف الطريق طويل اوي يا عصام انا مش فاهمه يعني انت صممت ليه نسافر بالعربية ما كنت حجزت لينا طيران أحسن.
و هو انتي عمرك ركبتي طيارة يا ندى! بعدين عادي يعني انا بحب اسافر بالعربية و هانت خلاص انتي اصلا قضيتي نص الطريق نايمة
طب هو انت حجزت لينا في نفس الفندق اللي فيه

دينا و رامي
لاءطبعا انا ماحجزتش في فنادق احنا هانقعد في الڤيلا بتاعتي هناك
نعم لاء طبعا مش هاينفع انت عايز ټفضحني قدامهم و لا ايه اقعد انت براحتك في ڤيلتك لكن انا تحجزلي اوضة في اي فندق
بطلي هبل بقي يا ندي و مش كل شوية تعيشي عليا دور الشرف ده
هما اصلا مش هايسيبو فرحهم و يركزو انتي قاعدة فينا الحكاية اصلا مش طالبه استغلال.
انا بسټغلك يا عصام طب هاستغلك ليه و انا بحبك
بتحبيني ماشي هاصدقك لاني عايز كده بس ماتنسيش انك اذا كنتي بتديني حاجه فانتي بتاخدي مقابلها اكتر بكتير.
يعني ايه الكلام ده انا اذا كنت سلمتك نفسي فده عشان انت وعدتني اننا هانتجوز
يييييي هانرجع بقي للسيرة دي تاني ماقولتلك هانتنيل نتجوز لما ابويا يوافق
و اذا ماوفقش
يبقي هانفضل زي ماحنا مبسوطين مع بعض من غير نكد ده اذا