انا وحماتي _الاخير _بقلم هويدا زغلول

بابا عندي وميرفت قالت لحماتي 
هي ايه العبارة يام سعيد فهميني الحوار بالظبط
ماجدة
انا هحكيلك كل حاجه بس اسمعي تعرفي تساعديني وليكي الحلاوة
ميرفت
هي العبارة فيها خير يعني ولا ايه
ماجدة
ده خير كتير اوووي ياميرفت بس المخفية هيام توافق وانتي ينوبك من الخير ده
ميرفت 
ماشي وانا معاكي في اي حاجة
فوزي 
سمعتي حماتك قالت ايه ياهيام
هيام 
دي ست كدابة يابابا بتعمل شويتين عليك عشان ترجعني لابنها ويذلوني
فوزي
اسمعي ياهيام الكلمتين دول يابنتي الست ملهاش غير بيت جوزها وانا مش هعيشلك العمر كله يبقا لازم تعيشي وبعدين اكيد كان في سؤ تفاهم وهي كانت بتهزر وانتي فهمتي غلط فوتي وخلاص عشان المركب تمشي

هيام بقلة حيله 
حاضر يابابا هعيش
ورجعت البيت مع حماتي لقيت سعيد بيرحب بيا وبيقولي
حبيبتى ياهيومة وحشتيني اوي ده البيت كان وحش من غيرك والله
هيام
انا هطلع شقتي ارتاح عن اذنكم
ماجدة
اطلع وراها ياسعيد واعمل اللي اتفقنا عليه لو موافقتش برضو وركبت دماغها يبقا هنعمل الحل التاني يلا
سعيد
نورتي بيتك ياقمر بقا كده تسبيني الفترة دي كلها مانتي اني مبحبش اكل غير من ايدك
هيام 
انت اللي وصلتني لكده ياسعيد انت اللي عايز تسبني
سعيد 
يعني ياهيومة عشان عايز مصلحتنا تقولي اني عايز اسيبك
هيام 
مصلحتنا في انك تجوزني واحد غني لا ياسعيد الله الغني ياحبيبي ولو سمحت متتكلمش معايا في الموضوع ده تاني عشان نفضل حبايب
سعيد 
حاضر ياهيام اللي تشوفيه 
ونزل قال لامة اني اللي في دماغي في دماغي راحت حماتي قالتلة 
اسمع ياسعيد كده بقا نعمل الخطة التانية أصلها مش هتيجي الا كده
وتاني يوم قاعده مع حماتي لقيتهم هي وسعيد بيهزروا معايا وجايبين حلويات وعصاير وسعيد قالي 
شوفتي ياهيومة انا مدلعك ازاى يلا ياحبيبتي كولي وانبسطي واشربي العصير ده دنا عملته بأيدي بقيت مستغربة من الحنية اللي نزلت منه هو وامة دي واكلت وشربت وفجأه حسيت ان الدنيا بتلف بيا ومعرفش ايه اللي حصل 
لقيت نفسي على السرير لابسه قميص نوم وفي راجل جنبي ولقيت حماتي داخله تقول 
الحق ياسعيد مراتك بتخوونك
هيام
ايه ده في ايه انت مين وايه اللي جابك هنا
ماجدة
بقا متعرفيش مين ده يافاجرة ده نايم جنبك
هيام 
والله ماعرفة ياسعيد انا اول مرة اشوفه
سعيد
اخرسي يافاجرة انا ھقتلك انتي وهو
الراجل
انا مليش ذنب في حاجة هي اللي جبتني هنا وفجأة طلع يجري
هيام بتلطم
يلهوي يلهوي والله ماعملت حاجة ياسعيد انا معرفش ايه اللي حصل
ماجدة
اسمعي ياحلوه انتي لو عايزة جوزك يعديها من غير مايخلص عليكي يبقا تعملي اللي هنقولك عليه وتنفذيه بالحرف الواحد
هيام
هعمل اللي انتو عايزينو اي حاجة انتو عايزنها انا هنفذها
وقالولي انها هتكلم خالد عشان يجي يخطبني وفعلا حماتي كلمت خالد وجه وجبلي شبكة غالية اوي وكان كل مايجي يجبلي هدية دهب وحماتي تاخدها تعينها وفضلت تطلب منه فلوس كتير وسمعتها في يوم بتقول لسعيد
ماجدة
اسمعني كويس ياسعيد انت هتطلق البت دي وتسيبها هي تتجوز خالد وكفايه