الضحيه ل ابتسام جمال 

قعدت شويه مع العريس أو اللي ممكن اقول عليه الضحيه لكدبه هو ملهوش ذنب فيها شويه وقالوا نسيب العرسان يقعدوا لوحدهم وهما خارجين ماما بصتلي بتحذير علشان ماافتحش بوقي 
احم احم ازيك ياانسه أريج 
انسه اه ياربي ع الۏجع انا حتي مبقاليش حق في الكلمه دي 
الحمد لله بخير 
انتي مش عارفه انا فرحان ازاي انك وافقتي تقعدي معايا وتقابليني انا شوفتك كذا مره قبل كده وانتي راجعه من الجامعه وكذا مره اتقدم وانتي ترفضي علشان مش عايزه تتجوزي وانتي بتدرسي والحمد لله المره دي غيرتي رأيك انا ياستي اسمي عدي عندي 26سنه وبشتغل محاسب ويشرفني انك تبقي مراتي وام عيالي ومش مستني منك غير موافقتك 

مش عايز تعرف عني اي حاجه 
انا عارف كل حاجه ولو في حاجه مش عارفها هخليهالك الماضي بتاعك ميخصنيش انا حياتك واللي بيحصل فيها يخصني من اللحظه اللي هدخلها فيها 
كان بيتكلم بصدق يكفي العالم كله انا مش هقدر اكون الشريره مش هقدر اخبي علي انسان زيه مصېبه زي دي هو ميستاهلش مني كده واكيد هيفهمني ويقدر ظروفي 
انت متاكد انك ميخصكش حياتي قبل ماانت تدخلها 
انسه اريج انا شوفتك كتير وعارف عنك كل خير واخلاقك بيشهد بيها السكان كلهم 
مش كل حاجه بنشوفها بتبقي صح 
يعني ايه
فركت في أيدي جامد
هو انت ليه كنت بتتقدم كل مره ارفضك فيها 
علشان انا عايزك مش عارف اقول عليه حب ولا اعجاب بس انتي سحرتيني من اول مره شوفتك فيها مبقتش بفكر في حد غير فيكي لو ده اسمه حب يبقي علشان بحبك وكنت علي استعداد اتقدم اكتر من كده كمان لحد ماتوافقي ماهو انتي مش هتبقي لحد غيري 
للدرجه دي
ايون 
استاذ عدي في حاجه مهمه لازم تعرفها
اتفضلي 
انا...
قاطعنا ماما اللي دخلت علينا وعلمات الخۏف على وشنا باين كانت بتسمعنا 
خلصتوا كلام ياعرسان 
ايوه ياطنط وباذن الله انسه اريچ توافق وكل حاجه تتمناها هتكون عندها 
علي خيره الله يابني وانا مش هلاقي لبنتي عريس وراجل يصونها ويحميها زيك وهي اكيد موافقه نقرأ الفاتحه 
انا في واحد اڠتصبني 
هدوء ملا المكان والكل بيبص لبعضه بابا وماما علي وشهم علامات الخۏف وهو الصدمه مسيطره عليه بشكل تام 
افندم 
اتكلمت وانا دموعي مغرقه وشي
في واحد من الجامعه بتاعتي اڠتصبني كان دايما بيدايقني وانا بصده ولما ملقاش في مني سكه جي في يوم وانا خارجه من الجامعه واتفق مع واحده صحبتي تشربني عصير في مخدر وحطوني في عربيته صحيت لقيت نفسي في شقه