مأساة حورية الفصل 22 بقلم فريده احمد

فتحت حورية التليفون وهي كلها لهفة تطمن ان الفيديو لسه موجود و ميكنش وقع في ايد رشا او محمد لكن
للاسف ملقتش الفيديو علي الموبايل
لأن فعلا محمد مسح الفيديو واللي هي متعرفوش ان محمد كان حاذفه من علي موبايلها قبلها بيوم اساسا 
حورية كانت هتتجنن حرفيا 
عاليا و هنا مكانوش فاهمين اي حاجة واتفاجأو بيها لما قامت وقالت بإصرار لازم اخرج من المستشفي حالا 

عاليا اهدي بس ممكن تفهمينا ايه اللي حصل
حورية لازم اخرج يا عاليا كلمي الدكتور ارجوكي خليه يكتبلي علي خروج
هنا بس انتي لسه تعبانة
حورية وهي بتحاول تتحكم في اعصابها قالت لا انا كويسة
وهي كل همها تروح تلحق النسخة اللي عند بيري اللي مبقتش متاكدة انها لسه موجودة هي كمان بعد خېانة بيري ليها
بصت ل عاليا وقالت بعصبية شوفي الدكتور ياعاليا يا اما هخرج من غير موافقتهه
عاليا طيب اهدي ممكن بس فهمينا ايه اللي حصل فجأة خلاكي بالحالة دي
حورية بهدوء مصتنع مفيش عاوزة بس اخرج في مشوار مهم لازم اعمله
عاليا طب استني يوسف لما يرجع
حورية بعصبية مش هستني حد 
وهي بتلف حوالين نفسها و بتدور على شنطتها اللي هنا جابتها ليها هي كمان مع الموبايل و اللي كان فيها مفتاح شقة بيري وبرغم ان الشنطة كانت قدامها من عصبيتها مكانتش شايفاها 
بصت ل هنا وبعصبية هي فين الشنطة
هنا اهدي الشنطة اهي
وهي بتشاورلها علي السرير كانت موجودة عليه
اخدتها وقالت ل هنا اطلبيلي أوبر
وهي بتمسك دماغها اللي ابتدي يوجعها لكن اتجاهلت الۏجع وقالت بعصبية ل هنا اخلصي ياهنا
هنا حاضر حاضر بس اهدي وقوليلنا هتروحي فين 
حورية غمضت عنيها بعصبية وهي بتحاول تهدي نفسها وقالت متقلقوش انا رايحة عندي بيري يلا اطلبي بقا
هنا حاضر
عند محمد اللي كان لسه يوسف حابسه كان بيحاول يفك نفسه پغضب علشان يشوف اي مكان يقدر يخرج منه
في اللحظة دي دخل يوسف اللي اول ماشافه ابتسم بسخرية وقال مش هتعرف حتي لو فكيت نفسك مش هتعرف تخرج من هنا ولا هتقدر غير بمزاجي انا
محمد بصله بغل وقال پغضب صدقني اللي بتعمله ده مش في صالحك ابدا
كمل بتوعد لاني اقسم بالله ماهعديهالك يايوسف
يوسف شد كرسي وقعد عليه بالعكس قصاده ببرود وقال زي بعضه خلينا نشوف الايام بيننا واديني مستني اشوف هتعمل ايه
محمد بغل مش هرحمك اقسم بالله هندمك يايوسف
يوسف اتجاهل تهديده وبصله وقال طلق اختي
محمد مش انت اللي هتخليني اطلقها
يوسف لا هخليك وان مكانش بمزاجك هيبقي ڠصب عنك
بصله بسخرية علي منظره وقال وانا انصحك تشتري نفسك وتسمع الكلام وتطلق بهدوء انت مبقاش فيك حتة سليمة طلقها واشتري نفسك
لكن محمد رد عليه وقال مش هيحصل اختك هسيبها
كده زي البيت الوقف لا منه مطلقة ولا متجوزة
يوسف قام وقال يبقي شكلك حبيت القعدة هنا وانا مش هقصر