رواية الفراشة للكاتبة روتيلا
دلوقتي
سارة وهي تمسح دموعها وتمسك يد روتيلا مش فاهمه ..روتيلا إنت فيكي حاجه
تضحك روتيلا وتنظر لصقر الذي حرك رأسه بلا لأ..أبدا
صقر يحث روتيلا للتحرك تعالي علشان تسلمي على ماما
تذهب روتيلا لحماتها التي تجلس بين الجميع بانتظارها الحمد لله على السلامه طنط
تبتسم أم صقر بهدوء تنظر لصقر بعتاب و الذي أومأ لأمه بتفهم فتداري حزنها على كلمه طنط من روتيلا تاركه الأيام تداوي چرح الصغيره منهم الله يسلمك يا بنتي ...
ثم يأتي صقر ويحثها للقدوم معه للمنصه التي جهزت للإحتفال الرسمي
فتقف بجانبه وتدور بنظرها على كل الموجوديين ..كل من تحبهم
صقر يمسك يدها ويتكلم بسم الله الرحمن الرحيم
أنا عارف أن بكره الافتتاح الرسمي لكن انهارده افتتاح
لما الشيخ راشد اعطاني الأرض كان عايزني اسمي المشروع روتيلا لكني وقتها كنت غيور ..ثم يتنحنح بضحكه ..والحقيقه لسه غيور على اسم حبيبتي ....يضحك الجميع ثم يكمل صقر وهو يشد على يد فراشته وينظر لها ... ولكني وبمناسبه جدا خاصه قررت أنه جزء من المشروع يهمها اكيد ويفرحها هايكون اسمه الفراشة ...وهو قسم رعاية الأمومة والطفولة . لها أيه رأيك بالمفاجأة دي
يصفق الجميع ويرفع خالد صوته بمكر بس ليه القسم ده بالذات
ينظر صقر له قليلا وكأنه تذكر وعده فيتجهم وجهه فجأه و ينزل من على المنصه ويلكم خالد بقوه اسقطت خالد على الارض وپحده كنت عارف لما طلبت وعد مني
يجلس خالد على الأرض ممسكا فكه ويضحك بشده وسط تعجب كل الموجودين للموقف لكن ما أثار تعجبهم اكثر روتيلا التي وقفت امام خالد وپحده تستاهل علشان تتحداني وتزعل صقر
ينظر لهما صقر بتعجب ثم فجأه يضحك بشده وهو يدور حول نفسه ثم يعود لروتيلا
أنا كنت زعلان لكن أنا دلوقتي في منتهى السعاده ..أول مره افوز على خالد
ثم يدور ليواجه الجميع المزهوليين للموقف
يا جماعه باركولي هابقى إن شاء الله أبو خالد
....... القاهرة........
......شهر جديد في جناح الصقر.....
تعاني روتيلا من الغثيان والدوخه كأعراض للحمل ولكن اليوم وهي تستعد للخروج لكليتها يغشى عليها فتستدعي أم صقر ريهام الحامل جدااا
تضحك ريهام التي تنام بجانب روتيلا أنا على وش ولاده حرام عليكم ..ثم تنظر لروتيلا التي تضحك معها ..روور حبيبتي فهمي الناس دول يبطلوا قلق مش كفايه جوزك طول النهار تليفونات
ريهام وهي تقف هاروح على بيتي ..وإنت يا رورو كلي يا ماما كويس وعلى فكره الفيتامينات لوحدها متنفعش ...ثم تنظر حولها ..غريبه صقر فين
روتيلا ياريت محدش يبلغه أنا بقيت كويسه الحمد لله
سارة بتردد أنا قلت ليه والله هو حذرني إني اكذب عليه في أي حاجه تخصك
ام صقر سارة ليه يا بنتي ..كده ها..
يقاطعها دخول صقر
السلام عليكم
الجميع وعليكم السلام ورحمة الله
صقر بقلق يجلس بجانب روتيلا خير يا حبيبتي في أيه
ريهام تضحك لنا الله ..طيب سلم عليا واسألني
صقر ينظر لريهام خير يا ريهام أيه الموضوع
ريهام بجديه وهي تحمل حقيبتها الطبيه اطمن ..كل شئ تمام شوية تغذيه ..شوية دلع من حضرتك وهتبقى زي الفل ..سلام رايحه بيتي
وتخرج ريهام تتبعها أم صقر وسارة
يقبل صقر جبين روتيلا وينظر لها قليلا وبهدوء شديد عامله أيه
روتيلا بقلق من هدوءه الحمد لله ..صقر لو سمحت متزعلش أنا والله
يقاطعها وقوف صقر وإعطاءها ظهره وهو يمسح على وجهه إنت كنتي رايحه الكليه مظبوط
روتيلا بتوتر أيوه ..
صقر وهو يواجهها عاقدا يده على صدره أفتكر انهارده بعد الفجر لما لاقيتك صاحيه ومنمتيش علشان بتدرسي قلت ليكي أدخلي نامي أحسن ..صح
ترفع روتيلا رأسها كان عندي محاضرات كتير فاتتني ..خالد قدر يجيب ليا بعضها وقلت أروح اجيب الباقي..وأرجع بسرعه أنام
يقف صقر فتره ينظر لها فطرتي ..أخدتي علاجك ..
روتيلا بتردد أنت عارف الصبح ببقى تعبانه ومبعرفش أكل حاجه
يهز صقر رأسه بنعم فعلا عارف ..وعلشان كده في حبوب كتبتها ليكي ريهام والظاهر أهملتيها
روتيلا صقر أبدا أنا باخدهم في معادهم مظبوط ..
صقر وهو مازال على وضعه والأكل ..شايفه نفسك إزاي خاسه ..كام مره يغمى عليكي أو تدوخي من قلة الأكل
روتيلا تنظر ليدها التي تعصرها بقلق وبهمس بحاول ..
صقر يقاطعها پغضب روتيلا اسمعيني كويس أنا أكتر حاجه بتضايقني إهمالك لنفسك
روتيلا أنامش مهمله أنا باخد علاجي في وقته وباكل.. كل الحكايه لما ببقى قلقانه مبعرفش أكل كويس..أكيد أنت لاحظت الموضوع ده عني
وممكن أعرف سبب قلقك اليومين دول
الكلية .... أتأخرت الفتره اللي فاتت ومطلوب مني شغل كتير
يقاطعها صقر وهو يرفع لها يده لحظه ..يبقى صح اللي أنا فكرت فيه أنا أخدت قرار نهائي وأتمنى أنك متعارضيش ..مفيش كلية ..حالتك ..
روتيلا تقاطعه لأ ..
صقر بصوت عالي لأ ..لأ بتقوليها لمين يا روتيلا ....
روتيلا تنظر له پخوف من غضبه وأن ينفذ ما قاله أنا أسفه ...بس
صقر يقاطعها پحده أنا مش هانتظر لغاية لما تقعي من طولك في الجامعه ..مش هانتظر ..فاهمه .. ومن بكره مدير مكتبي هايبدأ في الإجراءات
روتيلا بإصرار أنا كويسه الحمد لله وأنت بنفسك سمعت من ريهام قبل كده أن الكليه مفيش مشكله أبدا إني اروحها وخاصة إن شاء الله الولاده هاتكون في أجازة الصيف حرام تضيع عليا السنه..أنا مصممه
إني اروح عادي ..
يقاطعها صقر بسخريه وإن شاء الله هاتنزلي من غير موافقتي ..
روتيلا وهي تحرك رأسها يمين ويسار وبدموع تحاول منعها وبهدوء متعملش كده أنت عارف أني مش هاقدر أخالفك ..أرجوك متعملش كده
ينظر صقر للدموع في عينيها فيمسح على وجهه بعصبيه ويتجه للنافذه ينظر للخارج مفكرا ..تمر فتره من الصمت عليهم ......يضع يده على قلبه حزنها يؤلمه عندي شروط
روتيلا وهي تمسح دموعها و تحيط جنينها بيدها وأنا موافقه عليها
يلتفت لينظر لها من غير ماتسمعيها
تنظر لعينه وبثقه أنا واثقه فيك ..وواثقه أن شروطك هاتكون في مصلحة ابني ومصلحتي
يبتسم صقر لسماعه ما كان دائما يتمنى أن يسمعه منها كلمة بسيطة تعني له الكثير أنا واثقه فيك ...ويتجه لها ويجلس بجانبها وهو يمسح أثر الدموع بعينها وبهدوء أول شروطي تبطلي دموع ..مش عايز أشوفها ابدا..... تاني شرط هاتي علشان زعلتيني لما قلتي لأ ....وأخر شرط انا كمان واثق في حبيبتي انها هاتحافظ على نفسها علشاني لأنها أهم عندي من الدنيا كلها ...فهمتي شروطي
تهز روتيلا رأسها بسعادة وترتمي في صقر الذي حاوطها بحب و خلاص فهمت
صقر مبتسما لها محاوطا وجهها بيديه في شرط تاني كنت ناسي أقوله ليكي
روتيلا تحرك رأسها باستفهام أيه
صقر مبتسما لعينها أنا عايزه يبقى نسخه منك فاهمه
تضحك روتيلا وهي تمرر يدها على حواجبه وعينه لكن أنا عايزاه ياخد عينين الصقر
يضحك صقر عاليا محتضنا فراشته يا مجنونه بقى أنا عايز لون عينيك الخضرا اللي مجنيني تقومي تقولي عين الصقر ...وبجديه ..روتيلا أتعلمي تسمعي الكلام ..وبهمس مقبلا أياها ....عايزه نسخه منك فاهمه
تبتسم روتيلا بسعاده إن شاء الله ..وفي نفسها ..يا رب يبقوا نسخه منك
رورو طمنيني عامله أيه مع البيبي
تضحك روتيلا تقصد خالد
يبتعد صقر بعصبيه مفتعله متفكرنيش ...كل ما أشوفه ببقى عايز اموته
حرام صقر كفايه اللي جاله منك كمان بابا وابيه جمال زعلوا منه لما انت زعلت
يضحك صقر لأمعلش إلا خالد صحيح بايخ ومستغل بس علشان عيونك ولأنه توأمك فأنا سامحته
تقترب روتيلا منه بحبك أوي
كل يوم بيمر عليا من يوم ما زعلتك مني ورحتي لوالدك وأنا بسأل نفسي إزاي قاومتي حبسي ليكي..
روتيلا وبهمس نائم ابنك كان معايا .....
أحلام سعيدة يا فراشتي
........شهر أخر .........
...... في جناحك كمان
يظل صقر فترة يتمعن في الحوار العجيب الذي يدور أمامه حتى لاحت له الحقيقه فابتسم ابتسامه واسعه وبهمس بتتوحم ..فراشتي الصغيرة بتتوحم
يقف صقر فجأه متجاهلا حواره الهام مع مروان روتيلا تعالي يا حبيبتي ..
تقف روتيلا فيأخذها من يدها ويخرج بها لخارج القصر
روتيلا صقر رايح فين
تعالي بس مش إنت عايزه أيس كريم بالفراوله
تبتسم روتيلا وهي تعض على شفتها وتومأ له بنعم
خلاص رورو هانروح ناكل أنا وإنت أحلى أيس كريم بالفراوله لأني نفسي فيه ونتمشى شويه من زمان مخرجناش مع بعض أيه رأيك
تقف روتيلا وتحثه ليواجهها صحيح نفسك فيه ...
لما روحي يبقى نفسها في حاجه مش ده معناه أن أنا نفسي فيه ....
تضحك روتيلا وبحب تمسك يده بيدها الأثنتين وهي تقربها من قلبها شكرا
ينحني صقر مقبلا جبينها بعمق إنت اللي شكرا يا أحلى هديه ربنا بعتها ليا ...
.....شهور جديدة......
فراشتنا السعيدة بحملها الظاهر للجميع الأن وبعد مرور فترات التعب والغثيان بدأت تشعر بحب بحركة جنينها والتي عندما شعرت بها أول مره بكت كطفلة صغيرة وشاركها الفرحة صقر كالعادة بلطفه وحبه لكل شيئ يخص فراشته ويسعدها وظلت دائما تنتظر حركته ولكن تزداد الحركه وتتألم روتيلا
أه ....حرام عليك ..كده توجع مامي انا زعلانه منك
يضحك صقر الذي يشغله عمله على الحاسوب دون النظر لها رورو تاني يا حبيبتي الولد مزعلك
روتيلا التي تتكئ على الأريكه في مكتبه ليه متأكد إنه ولد
إنت يا روحي اللي دايما اللي بتكلميه بصيغة الولد
تضحك روتيلا لأنه شقي لكن لو بنت هاتبقى هاديه
يرفع صقر رأسه وينظر بحب لفراشته تعرفي عندك حق لو بنت هاتبقى هاديه وجميله زي أمها أيه رأيك أنا خلاص عايزها بنت ...أنا المره الجايه هاجي معاكي عند ريهام للمتابعه
مش المفروض يكون ظهر نوع الجنين
روتيلا بتوتر لا صقر متجيش
يقف صقر ويدور حول مكتبه ساندأ عليه أمامها وهو عاقد ذراعيه ممكن يا زوجتي العزيزه تفسري ليا الموضوع ده ..انت وريهام مخبيين حاجه وأنا عايز أعرفها ..
روتيلا وهي تعتدل في جلوسها بصراحه بعد أول مره جيت فيها معايا وقلقك الزايد اتوترت فريهام قالت التوتر مش كويس علشان الحامل ...بس ...
يتمعن صقر في عين فراشته التي تهرب بها بعيد إنت يا روحي كذابه فاشله بس تعرفي أنا بحذرك لو في أي خطړ عليكي و...
تقاطعه روتيلا بثقه وهي تنظر لعمق عينه والله مفيش أي خطړ إن شاء الله
يبتسم صقر إن شاء الله حبيبتي ..ربنا يخليكي ليا وي..
تقاطعه روتيلا بصرخه
من حركه لجنينها قويه أه
يتألم صقر لألمها فېصرخ في
ابنه بشده ولد كفايه متتعبش مامتك
تضحك روتيلا عاليا وهي تحاوط ابنها صقر ..حرام عليك ليه تزعله ...تصور سكت وبطل حركه
يذوب صقر في ضحكة فراشته فيجلس بجانبها ويحاوطها پخوف عليها حبيبتي مستحيل اسمح لأي شئ يألمك حتى لو ابني ..فاهمه
ترفع روتيلا عينها لتقابل سواد عينيه لكن أنا ببقى سعيده بكل حاجه يعملها لأنه حته منك
صقر بحب روتيلا ..روتيلا أنا عمري ما تخيلت إني هاحب كده عمري ما تخيلت أن هايجي اليوم اللي قلبي هايدق لأي حوا إنت عملتي مني انسان تاني انسان بجد يا روحي
إنت الفراشة الصغيرة ډخلتي حياتي بجناحك الرقيق عملتي جوايا زوابع ورياح وأعاصير
قلبتي كياني يا روتيلا ....بحبك ..بعشقك
. .....بسم الله الرحمن الرحيم
ولقد خلقنا الإنسان ونعلم ما توسوس به نفسه ونحن أقرب إليه من حبل الوريد 16 إذ يتلقى المتلقيان عن اليمين وعن الشمال قعيد 17 ما يلفظ من قول إلا لديه رقيب عتيد 18 وجاءت سكرة المۏت بالحق ذلك ما كنت منه تحيد 19 ونفخ في الصور ذلك يوم الوعيد 20 وجاءت كل نفس معها سائق وشهيد 21 ل
